2024 jyldyń 3-6 naýryzynda Almatyda SCIJ (The Ski Club of International Journalists) halyqaralyq klýbynyń 69-shy otyrysy ótedi, oǵan 25 elden 150-ge jýyq jýrnalıs qatysady, dep habarlaıdy almaty-akshamy.kz.
Qalamdy qarý etken kásibı jáne sport jýrnalıseri arasyndaǵy baılanystar men ózara qarym-qatynasty nyǵaıta túsý ıdeıasyn ustanǵan halyqaralyq jýrnalıserdiń shańǵy klýbyna 31 el men úsh kontınentten úsh myńnan astam belsendi jýrnalıser múshe. Búgingi tańda SCIJ klýbynyń prezıdenti - kanadalyq Frederık Ýollas bolsa, belgıalyq Brýno Shmıts klýbtyń bas hatshysy.
1955 jylǵy qyrǵı-qabaq soǵystyń shaǵynda úkimetter arasyndaǵy saıası salqyndyq jýrnalıser men sportshylardyń arasyndaǵy emin-erkin qarym-qatynasqa syzat túsirmeýi kerek degen oımen fransýz Jıl de La Rok klýbtyń negizin qalaıdy. Sodan beri jyl saıyn klýb músheleriniń dástúrli kezdesýleri álemniń eń úzdik taý kýrorttarynda ótkizilip keledi. Mundaı kezdesýler baǵdarlamasyna taý shańǵysy jáne shańǵymen júgirý jarystary qamtylady. Sonymen qatar, kezdesýde saıası jáne kásibı taqyryptar talqylanady. Kezdesý ótkizgen eldiń jetistikteri, salt-dástúrleri, mádenıeti men ulttyq taǵamdarymen tanysady. Qysqasy, ár eldiń jornalshylary bir-birimen etene tanysýǵa múmkindik alady.
Buǵan deıin kezdesýler Ispanıadaǵy «Baqueira-Beret», Italıadaǵy «Sestriere», Fransıadaǵy «Val Cenis Vanoise ı Val d’Arly», Reseıdegi «Roza Hýtor» jáne Bolgarıanyń «Pamporovo» sıaqty álemniń 74 ataqty taýly kýrorttarynda ótken. Al ótken jyly klýb músheleri Kanadanyń «Marble Mountain» shıpajaıynda kezdesti. Bıyl Almatydaǵy «Shymbulaq» shıpajaıynda SCIJ klýbynyń otyrysyn ótedi.
«Biz SCIJ halyqaralyq otyrysyn ótkizý quqyǵyn 2020 jyly jeńip aldyq. Biraq pandemıaǵa baılanysty ony 2021 jyldan 2024 jylǵa aýystyrýǵa týra keldi. Halyqaralyq klýbtyń qazaqstandyq fılıalynyń jýrnalıseri sheteldegi áriptesteriniń elimizde erekshe áser alyp ketýi úshin kóp kúsh jumsaýda», - dep túsindirdi SCIJ Qazaqstan prezıdenti Irına Bajenova.
6 naýryzda «Shymbulaq» shıpajaıynda jýrnalıser arasynda taý shańǵysynan baq synaıtyn bolady. Al 9 naýryzda «Alataý» shańǵy-bıatlon kesheninde shańǵymen júgirýden jarysady.
«Bul jarystar shańǵy sporty boıynsha jýrnalıser arasyndaǵy beıresmı álem chempıonaty bolyp sanalady. Sondyqtan jeńiske úmitker jýrnalıser sekýnd úshin bar kúsh-jigerin jumsaıtyn bolady», - deıdi SCIJ Qazaqstan prezıdenti Irına Bajenova.
Ol qazaq jýrnalıserin halyqaralyq baıqaýlarda jeńis tuǵyrynan kóremiz dep úmittenedi.
Jalpy Qazaqstan 2012 jyly Túrkıada ótken kezdesýge qonaq retinde qatysqan. 2013 jyly Italıada ótken kezdesýde úsh adamnan turatyn qazaqstandyq komanda SCIJ-ke resmı túrde qabyldandy. SCIJ Kazakhstan klýby qurylǵan 10 jyl ishinde qatysýshylar sany 45 adamǵa jetti.