Qazirgi ýaqytta Qazaqstanda «Iandeks», «inDrive», «Maxim», «Aparý», «Tappı Taksı» jáne t.b. sıaqty taksıge tapsyrys berýdiń mobıldik qosymshalary jumys isteıdi, dep habarlaıdy almaty-akshamy.kz
Aǵymdaǵy jylǵy 19 qańtarda jolaýshylardy avtomobılmen tasymaldaý máseleleri jónindegi keńes sheńberinde Kólik mınıstri M.K. Qarabaevtyń tóraǵalyǵymen taksıge tapsyrys berýdiń mobıldik qosymshalary operatorlarynyń, onyń ishinde «Iandeks» jáne «inDrive» ókilderimen kezdesý ótkizildi. Keńes barysynda taksımen tasymaldaýshylarynyń ulttyq zańnama normalaryn saqtaýyn qamtamasyz etý jáne jolaýshylar tasymaly qaýipsizdigi boıynsha ishki korporatıvtik talaptardy engizý qajettiligi kóterildi.Keńes qorytyndysy boıynsha taksıge tapsyrys berýdiń mobıldik qosymshalary operatorlarynyń ókilderine jolaýshylardy avtomobılmen tasymaldaý salasynyń problemalyq máselelerin sheshý jóninde usynystar engizý usynyldy.
Sondaı-aq, aǵymdaǵy jylǵy 12 aqpanda Kólik vıse-mınıstri M.Q. Qalıaqparovtyń tóraǵalyǵymen «inDrive» taksı tapsyrysynyń mobıldik qosymshasy operatorynyń ókilderimen kezdesý ótkizildi. Osy kezdesý barysynda jol-kólik oqıǵalarynyń statısıkasy, taksıge tapsyrys berýdiń mobıldik qosymshasyn paıdalana otyryp, jolaýshylardy zańsyz tasymaldaýdyń teris saldary aıtyldy, sondaı-aq júrgizýshilerdiń eńbek jáne demalys rejımin saqtaý jónindegi talaptardy kúsheıtý usynyldy.
Osy kezdesýdiń qorytyndysy boıynsha Kólik mınıstrligi men «inDrive» mobıldik qosymshasy arasynda yntymaqtastyq jáne ózara is-qımyl týraly Memorandým jasasý qajettiligi týraly sheshim qabyldandy, onda mobıldik qosymsha operatorynyń taksımen tasymaldaýshylarynyń ulttyq zańnama talaptaryn saqtaýyn qamtamasyz etý boıynsha sharalardy kezeń-kezeńimen qabyldaýy boljamdalýda.