Parıjde Ekonomıkalyq yntymaqtastyq jáne damý uıymyna (EYDU) múshe elderdiń mınıstrleri atom energetıkasyn damytý boıynsha naqty qadamdardy talqylady, dep habarlaıdy aqshamnews.kz
AQSH, Kanada, Japonıa, Ońtústik Koreıa jáne Eýropanyń 9 memleketi osy ortaq bastamaǵa qosylýǵa daıyn ekenin bildirdi. Bastamanyń maqsaty – jańa reaktorlardyń qurylysyn qarjylandyrý, jetkizý tizbegin damytý jáne bilikti kadrlar daıarlaý.
Kóptegen EýroOdaq elderi atom energıasyna qaıta oralýda. Mysaly, Shvesıa 2035 jylǵa deıin elektr energıasyn óndirý kólemin eki esege arttyrý úshin 10 jańa reaktor salýǵa daıyn. EYDU jáne Atom energıasy agenttiginiń jańa bastamalaryn qoldaıtyn elder Qazaqstanmen yntymaqtastyqty tereńdetýge múddeli, sebebi bul ıadrolyq energetıka úlesin 2050 jylǵa qaraı úsh esege arttyrýǵa múmkindik beredi.
Shvesıanyń vıse-premer-mınıstri Ebba Býsh osyǵan qatysty óz pikirin bildirip, bylaı dedi:
– Shvesıa atynan mynany aıtqym keledi: biz múddeleri men qundylyqtary uqsas eldermen ǵalamdyq deńgeıde birlesip, atom energetıkasyn ıgerý boıynsha yntymaqtastyqty nyǵaıtqymyz keledi. Osy baǵytta eýropalyq áriptestermen, sondaı-aq AQSH jáne Kanadamen birneshe memorandýmǵa qol qoıdyq. Endi Azıanyń ozyq tájirıbege ıe keıbir elderimen tyǵyz baılanys ornatýdy josparlap otyrmyz.
EEDU Iadrolyq energıa agenttiginiń bas dırektory Ýılám Megvýd Qazaqstannyń ǵalamdyq naryqtaǵy mańyzyn atap ótti:
– Ýrannyń iri jetkizýshisi retinde Qazaqstan atom energıasynyń álemdik naryǵyna úlken áser etti. Bul kezeńde baǵa tómendep, jetkizý qaýipsizdigi kúsheıdi. Osy oraıda Qazaqstannyń róli óte mańyzdy.