2050 jylǵa qaraı álemde atom elektr energıasyn óndirý kólemi 2,5 ese artýy múmkin degen boljam bar. Bul týraly MAGATE agenttigi málimdedi, dep habarlaıdy aqshamnews.kz
Qazirgi tańda 31 memleket atom elektr stansıalarynyń artyqshylyqtaryn paıdalanyp otyr, al taǵy 30 memleket osyndaı qýat kózin óndirýdi qolǵa alýdy josparlaýda. Túrkıa, Mysyr jáne Bangladesh elderinde atom stansıalarynyń qurylysy aıaqtalýǵa jaqyn, aldaǵy birneshe jylda olar iske qosylady.
Atom energıasy jónindegi halyqaralyq agenttiktiń málimetinshe, álemde atom energetıkasyna degen qyzyǵýshylyq artyp keledi. Sala shaǵyn reaktorlar tehnologıasynyń damýymen de kúsheıe túsedi dep kútilýde.
Eýropa keńesi bas hatshysynyń orynbasary Bórn Berge bul týraly: – Jaqynda BUU esebin oqydym, onda atom energıasynyń ekologıalyq turǵydan taza ekeni aıtylǵan. Qaýipsizdik júıeleri, prosedýralar men atqarylǵan jumystar atom energıasyna degen qyzyǵýshylyqty arttyrdy, – dedi.
Japonıanyń Strasbýrgtegi bas elshisi Hıroıýkı Ýshıda da pikir bildirip:
– Atom energıasy qazirgi tańda mańyzdy energetıkalyq resýrsqa aınaldy. Bul salada eń bastysy – energıa qajettiligi men qaýipsizdik arasyndaǵy tepe-teńdikti saqtaý, – dep atap ótti.