burynǵy bilim mınıstri bala quqyqtary jónindegi ombýdsmenniń bastamasyn qoldady.
Sóz Qazaqstandaǵy bala quqyqtary jónindegi ýákil Dınara Zakıeva usynǵan ár mektepke kámeletke tolmaǵandar isi boıynsha ınspektordy qaıta engizý týraly usynys jaıly bolyp otyr.
Ombýdsmenniń aıtýynsha, buryn ár oqý ornynda óz ınspektory bolǵan, jáne bul oń nátıje bergen. Alaıda keıinirek ınspektorlardyń basym bóligi ýchaskelik bólimshelerge aýystyrylǵan.
Onyń pikirinshe, psıhologtardan nemese oqýshylardan jedel aqparat alý, ishki tergeýler júrgizý jáne ýaqytynda shara qoldaný úshin kámeletke tolmaǵandar isi boıynsha ınspektor mektepte únemi bolýy qajet.
«Osyǵan baılanysty ár mektepke kámeletke tolmaǵandar isi boıynsha jeke ınspektordy bekitý nemese óńirlerge qajettilikke qaraı IDN (kámeletke tolmaǵandar isi jónindegi ınspektorlar) qyzmetkerleriniń sanyn arttyrý múmkindigin berý kerek, muny jergilikti búdjetterden qarjylandyrý qajet», — dedi ol.
Dınara Zakıeva usynǵan bul bastamaǵa burynǵy bilim jáne ǵylym mınıstri Asqat Aımaǵambetov óz pikirin bildirdi.
«Bul İİM tarapynan qate sheshim bolǵanyn moıyndaý kerek. Másele birneshe ret túrli deńgeıde kóterildi, jáne bizdiń ustanymymyz árdaıym ózgerissiz boldy — mektep ınspektorlaryn alyp tastaýǵa bolmaıtyn edi. Olardy jıi túrli is-sharalarǵa, reıdterge jumyldyrǵanyna qaramastan, olardyń mekteptegi qatysýy aıtarlyqtaı nátıje bergen», — dep jazdy ol óz paraqshasynda (https://t.me/aimagambetov/1019).