Sarapshylar Tel-Avıvti álemdegi eń qymbat qala dep atady
Álemdegi eń qymbat qalalardy Tel-Avıv, Sıngapýr men Parıj bastap tur, dep habarlaıdy Almaty-akshamy.kz ulysmedia.kz-ke silteme jasap.
The Economist basylymy 2021 jyly turýǵa eń qymbat on qalanyń reıtıńin jarıalady. Basylymnyń analıtıkalyq bólimshesi – Economist Intelligence Unit (EIU) málimeti boıynsha, 2021 jyly ınflásıa bes jyldyq rekordty jańartqan. Eger 2020 jyly sarapshylar qarastyrǵan qalalardaǵy ınflásıanyń ósimi 1,9%-dy qurasa, 2020 jyly bul kórsetkish 3,5%-ǵa jetken. Reıtıńti qurastyrý kezinde onyń avtorlary 173 iri qaladaǵy 400-den astam ártúrli sanattaǵy taýar baǵasynyń dınamıkasyn salystyryp shyqqan.
Sarapshylar Tel-Avıvti (Izraıl) álemdegi eń qymbat qala dep atady. Bul qala alǵash ret EIU reıtıńinde kósh bastady. Ekonomıserdiń dereginshe, 2021 jyly qalada azyq-túlik, turmystyq taýarlar, avtokólikter men janar-jaǵarmaıdy qosa alǵanda, taýarlar sanatynyń 10%-nyń baǵasy aıtarlyqtaı ósken. Baıandama avtorlary baǵanyń kóterilýine ulttyq valútanyń dollarǵa shaqqandaǵy baǵamynyń nyǵaıǵanyn aıtyp otyr.
Ekinshi orynǵa birden eki qala – byltyr tizimniń birinshi qatarynda turǵan Sıngapýr men Parıj jaıǵasty. Ekonomıser shveısarıalyq Súrıh pen Gonkongty tórtinshi jáne besinshi oryndarǵa ornalastyrdy. Osylaısha, eń qymbat 10 qalanyń qataryna negizinen eýropalyq jáne azıalyq qalalar kiredi: jetinshi jáne segizinshi oryndarda Shveısarıanyń Jenevasy men Danıanyń Kopengageni tur. Al Japonıanyń Osaka qalasy ondyqty túıindeıdi. Amerıka Qurama Shtattarynda sarapshylar baǵanyń aıtarlyqtaı óskenin baıqamady. Biraq Amerıkanyń eki qalasy tizimniń basyna shyqty: Nú-Iork (6-shy) jáne Los-Andjeles (9-shy).
Ómir súrýge eń arzan qalalar – Sırıanyń astanasy Damask pen Lıvıanyń astanasy Trıpolı. Olardyń ekonomıkasy uzaqqa sozylǵan soǵys qımyldary saldarynan kúıregen. Eń arzan qalalardyń ondyǵyna Afrıka qalalary (Týnıs, Aljır jáne Lýsaka), Ońtústik Azıanyń eki megapolısi (Pákistannyń Karachı jáne Úndistannyń Ahmedabady), sondaı-aq Argentına astanasy Býenos-Aıres kiredi. Álemdegi eń arzan qalalar tizimine postkeńestik keńistiktegi qalalar da engen: sońynda úshinshi orynda turǵan Tashkent (Ózbekstan) jáne Ózbekstan astanasynan eki orynǵa qalyp qoıǵan Almaty (Qazaqstan) tur.
2021 jylǵy eseptiń avtorlary reıtıńte 16-shy orynnan 48-orynǵa jyljyǵan Italıa astanasy Rım mańynda baǵanyń eń kóp tómendeýin tirkedi. Taıland, Perý, Nıderlandy jáne Germanıanyń astanalarynda baǵa aıtarlyqtaı tómendedi. Tegeran eń «qymbat» qala dep tanyldy. Sanksıalarǵa, saýda shekteýlerine jáne ımport baǵasynyń ósýine tap bolǵan Iran astanasy 50-shi orynnan 29-shy orynǵa kóterildi.
Tegerannan basqa sońǵy bir jylda baǵasy kóterilgen alǵashqy 10 qalaǵa reıtıńte birden 13 pozısıaǵa kóterilgen Kıev (Ýkraına) men 96-shy orynǵa shyqqan Máskeý (Reseı) da bar.