QR Mádenıet jáne sport mınıstri Dáýren Abaev álem shahmaty tarıhyndaǵy eń jas álem chempıony Bıbisara Asaýbaevamen kezdesti, dep habarlaıdy Almaty-akshamy.kz Elorda.info saıtyna silteme jasap
Kezdesý barysynda mınıstr Bıbisara Asaýbaevany quttyqtaı kele, anasy Lıana Tańjaryqovaǵa alǵysyn bildirip, «Dene shynyqtyrý men sportty damytýǵa sińirgen eńbegi úshin» tósbelgisimen marapattady.
«Bıbisara – el maqtanyshy. Búkil álem kóz tikken bedeldi týrnırdegi Bıbisara Asaýbaevanyń jarqyn jeńisi elimizdegi shahmat tarıhynda altyn árippen jazylatyn bolady. Osy oraıda Bıbisaranyń ata-anasyna, jattyqtyrýshylaryna erekshe alǵys bildirgim keledi. Bıbisara Asaýbaevanyń aıtýly jeńisi óskeleń urpaqtyń shahmat sportyna degen qyzyǵýshylyǵyn arttyryp, yntalandyratyny sózsiz», - dep atap ótti Mádenıet jáne sport mınıstri.
Esterińizge sala keteıik, Polsha astanasy Varshava qalasynda ótken álem chempıonatynda 17 jastaǵy qazaqstandyq shahmatshy Bıbisara Asaýbaeva «blıste» birinshi oryndy jeńip alyp, álemdik shahmat tarıhynda áıelder arasynda eń jas shahmatshy ataǵyna ıe boldy.
Sondaı-aq atalmysh chempıonatta Bıbisara jyldam shahmattan (rapıd) 2-oryndy ıelendi. Buǵan deıin qazaqstandyq sportshy Bıbisara Asaýbaeva qyzdar arasynda 8, 10, 12 jáne 14 jasqa deıingi klasıkalyq shahmattan álem chempıony, 7, 9 jasqa deıingi oqýshylar arasynda álem chempıony atanǵan.