Qazirgi tańda álemniń 18 elinde 56 atom reaktorynyń qurylysy júrgizilip jatyr.
Bul reaktorlar álemdik standarttarǵa saı, tabıǵı jáne tehnogendik jaǵdaılardy eskere otyryp salynýda, dep habarlaıdy aqshamnews.kz
Iaǵnı, zamanaýı atom elektr stansıalary (AES) 8 baldyq jer silkinisine, sýnamı sıaqty apattarǵa, tipti úlken ushaqtyń qulaýyna jáne basqa da tótenshe tabıǵı qubylystarǵa tótep bere alatyndaı qaýipsizdikpen jabdyqtalǵan.
AES-tegi qaýipsizdik deńgeıi óte joǵary.
Mamandardyń aıtýynsha, AES-tegi apat yqtımaldyǵy 10 mıllıon jylda bir ǵana oqıǵa retinde baǵalanady. Al búgingi tańda elimizdiń basym bóligin elektr energıasymen qamtamasyz etip otyrǵan kómir elektr stansıalarynyń qaýip-qateri AES-ten 80 ese joǵary. Bul — atom energetıkasynyń qaýipsizdigi men senimdiliginiń mańyzdy kórsetkishi.
Álemdegi jumys istep turǵan barlyq reaktorlar qatań baqylaýda.
Olardyń árqaısysynyń jumysy MAGATE jáne WANO (Dúnıejúzilik atom elektr stansıalary qaýymdastyǵy) sıaqty bedeldi uıymdar tarapynan baqylanady. Bul qadaǵalaý halyqaralyq standarttarǵa saı qaýipsizdikti qamtamasyz etý maqsatynda turaqty júrgizilip, álemdik qoǵamdastyqtyń senimin arttyrýǵa baǵyttalǵan.
Atom energetıkasy — elimizdiń energetıkalyq táýelsizdigin qamtamasyz etýdiń tıimdi ári ekologıalyq taza joly. Zamanaýı tehnologıalar arqyly salynǵan AES-ter tek qana energıa kózi emes, sonymen qatar, ekonomıkany turaqty jáne qaýipsiz damytýǵa múmkindik beredi.