Vena qalasynda ornalasqan Qazaqstannyń Avstrıadaǵy elshiliginde atom elektr stansıasynyń qurylysyna qatysty referendýmda daýys berý úshin №372 ýchaske tolyǵymen daıyn. Bul ýchaske qazannyń 6-sy kúni jumysyn bastaıdy jáne Avstrıada ýaqytsha júrgen nemese turaqty turatyn qazaqstandyq azamattar osynda kelip, óz tańdaýlaryn jasaı alady.
Sonymen qatar, Avstrıaǵa ulttyq qurama komandasynyń mach ótkizý maqsatynda baratyn fýtbolshylary úshin de arnaıy portatıvti daýys berý jáshigi qarastyrylǵan. Bul ulttyq quramamyzdyń oıynshylary da óz azamattyq boryshyn oryndap, el bolashaǵyna qatysty referendýmǵa qatysýǵa múmkindik alady.
Ermuhan Baımurynov, referendým ýchaskesi komısıasynyń tóraǵasy:
"Qazaqstan Respýblıkasynyń Vena qalasyndaǵy elshiliginde №372 referendým ýchaskesi quryldy. Bizdiń ýchaskemiz boıynsha 173 qazaqstandyq tirkeldi. Olardyń ishinde Avstrıada ýaqytsha jáne turaqty turatyn azamattar, sonyń ishinde stýdentter, halyqaralyq uıymdarda jáne basqa da uıymdarda jumys isteıtin azamattar bar. Sondaı-aq, elshilik qyzmetkerleri men olardyń otbasy músheleri de qatysady. Komısıamyz barlyq qazaqstandyqtardan referendýmǵa belsendi qatysýyn kútýde."
Bul referendým — elimizdiń energetıkalyq qaýipsizdigin qamtamasyz etý jáne energetıkalyq bolashaǵyn tańdaý úshin mańyzdy qadam. Qurmetti qazaqstandyqtar, Venadaǵy ýchaskege kelip, elimizdiń bolashaǵyn birge tańdaıyq!