Bul da jańarǵan kóshi-qon saıasatynyń tujyrymdamasy aıasynda iske asyrylatyn jospar.
Aýqymdy qujattyń bir taraýy bilim berý ımıgrasıasyna arnalady. Sonymen birge, Qazaqstan ekonomıkasyna paıdasy tıer joǵary bilikti mamandar, ınvestısıa, ozyq tehnologıalardy tartý maqsatynda vızalardyń jańa túrleri engiziledi. Sondaı-aq qazir suranysqa ıe mamandyqtardyń reıtıńisi ázirlenip jatyr, dep habarlaıdy Almaty-akshamy.kz 24.kz-ke silteme jasap.
«Biz basymdyqqa ıe 9 salanyń mamandyqtar atlasyn ázirledik. Onyń denin IT mamandary, ártúrli baǵyttaǵy ınjenerler, sonymen birge medısına salasyndaǵy, naqtyraq aıtqanda, anastezıolog, neırohırýrgter qurap otyr. Atlastyń birinshi nusqasyn barlyq organdarǵa taratyp berdik. Kelesi jyly qaı mamandyqqa suranys kóp ekenin anyqtaımyz. Bul reıtıń únemi zaman qajettiligine saı jańaryp otyrady», - deıdi QR Eńbek jáne halyqty áleýmettik qorǵaý mınıstri Tamara Dúısenova.