Energetıkalyq daǵdarys metaldyń bırjadaǵy baǵasyna aıtarlyqtaı áser etti. Keıbir materıaldardyń quny qazirdiń ózinde kópjyldyq maksımýmge jetken. Bul týraly Financial Times basylymy jazdy, dep habarlaıdy almaty-akshamy.kz
London metal bırjasynyń deregi boıynsha, qazan aıynda mys 10 myń dollarǵa qymbattaǵan. Mundaı jaǵdaı keıingi on jylda birinshi ret tirkelip tur. Al myryshtyń quny úsh jarym myń dollarǵa ósken. Sońǵy ret onyń baǵasy 2008 jyly qarjy daǵdarysy kezinde kóterilgen.
Mamandardyń paıymynsha, buǵan álemde metalǵa degen joǵary suranys pen jetkizip berýdegi qıyndyqtar áser etken. Al onyń zardabyn óndirýshiler tartyp otyr. Máselen, álemdegi eń iri myrysh jetkizýshileriniń biri – Nastar Eýropadaǵy úsh zaýytta óndiris kólemin eki ese qysqartatynyn málimdedi.
Qazir London metal bırjasyndaǵy qoımalarda mys qory 1974 jyldan beri alǵash ret rekordyq deńgeıde azaıdy. Qyrkúıek aıynda olardyń kólemi 200 myń tonna bolsa, búginde nebary 14 myń tonnasy qalǵan. Goldman Saks sarapshylary jaǵdaı jyl sońyna deıin ońalmaıtynyn, al keler jyly qor tipten taýsylýy múmkin degendi aıtady.