Poshtalyq markada Qazaqstan Táýelsizdiginiń 30 jyldyǵynyń logotıpi beınelengen
Qazaqstannyń Belgıa Koróldigindegi Elshiligi, elimizdiń Lúksembýrgtegi Qurmetti konsýldyǵy men «Eurasian Resources Group» kompanıasy Qazaqstan Táýelsizdiginiń 30 jyldyǵyna oraı Lúksembýrgte mereıtoılyq poshta markalaryn shyǵarý bastamasyn kóterdi, dep habarlaıdy Almaty-akshamy.kz QazAqparatqa silteme jasap.
Shyǵarylǵan poshta markalaryn kúndelikti hat-habarlarda, sondaı-aq kádesyı ónimderi retinde paıdalanýǵa bolady. Lúksembýrg óziniń poshta markalaryn alǵash ret 1852 jyly 15 qyrkúıekte shyǵardy, al alǵashqy ulttyq poshta markalarynyń kórmesi 1946 jyly 28-29 shildede Dúdelanj qalasynda uıymdastyryldy. Mereıtoılyq marka «Post Luxembourg» ulttyq poshta kompanıasynyń qoldaýymen shyǵaryldy. 170 jyldan astam ýaqyt ishinde «Post Luxembourg» joǵary standartty qyzmetterdi usyna otyryp, el turǵyndarynyń ómirinde mańyzdy ról atqarady.
«Qazaqstan Táýelsizdiginiń 30 jyldyǵy» logotıpi bar markanyń alǵashqy danalary Lúksembýrg Uly Gersogtiginiń memlekettik qurylymdarynyń, uıymdarynyń, kompanıalarynyń, sondaı-aq Lúksembýrgtegi «Qazaqstan-Lúksembýrg» Qazaqtar qaýymdastyǵynyń ókilderine berildi.