Qazaqstandyqtardyń arasynda jańa chellendj jalǵasyp jatyr
«100 shaqyrym+» jarysyna qatysyp, baq synaǵysy keletinder kóbeıdi. Bastysy, osy aralyqty 2 aıda eńserýi tıis. Sosyn syılyq utysyna qatysa alady, dep habarlaıdy Almaty-akshamy.kz 24.kz-ke silteme jasap.
«100 shaqyrym» chellendjine qatysýshylarynyń biri – elordalyq Almas Anarbekov. Ol Nur-Sultandaǵy pedogogıkalyq kolejdiń oqytýshysy. Informatıka páninen dáris beredi. Bos ýaqytyn júgirýge arnaıdy. Salaýatty ómir saltyn ustanyp, túrli dárejedegi sporttyq jarys, marafondarǵa qatysyp turady. Taıaýda Astana marafonynda baq synap, 10 shaqyrym qashyqtyqty 51 mınýtta eńserdi.
«Júgirý unaǵan soń, hobbıime aınalǵan soń, áleýmettik jeliden jarnama kórip qaldym. Sol arqyly chellendj týraly bildim. Qazir 30 km júgirdim», - deıdi qala turǵyny Almas Anarbekov.
Almas keleshekte kásibı marafonshy bolǵysy keledi. 22 jastaǵy jigit júgirýdiń qoǵamda qalypty ómir saltyna aınalǵanyn qalaıdy. Dostary men shákirtterin de osyǵan úndeıdi. Ol«Júgir.kz» saıtyna 500-shi bolyp tirkelgen. Chellendjge 100 shaqyrymdy baǵyndyram deýshi kez kelgen adam qatysa alady.
«Eger múmkindik bolsa, kúnine 3-4 km júgirgen durys. Densaýlyqqa jaqsy. Júgirý adamǵa aldaǵy kúnge degen qulshynys pen energıa beredi», - deıdi Almas Anarbekov.
Chellendj qarashanyń sońyna deıin jalǵasady. Jeltoqsanda jeńimpazdar anyqtalady. Maqsatqa jetkender 1,5 mln teńge nemese ózge de baǵaly syılyqtardy utyp ala alady.