COVID-19 ınfeksıasy álemde tarala bastaǵannan beri 5 664 012 adam qaıtys boldy.
Amerıkalyq Djons Hopkıns ýnıversıtetiniń málimetteri boıynsha, dúısenbi kúni tańerteń álemde COVID-19 koronavırýsyn juqtyrýdyń tirkelgen jaǵdaılarynyń sany 374 701 198-ge jetti, dep habarlaıdy Almaty-akshamy.kz INTERFAX.RU saıtyna silteme jasap.
Infeksıa juqtyrý sany 20 mıllıonnan astam bolǵan elderge AQSH, Úndistan jáne Brazılıa kiredi.
Aýrý juqtyrǵandar men qaıtys bolǵandar sany boıynsha burynǵysha AQSH kósh bastap keledi, onda COVID-19 juqtyrǵandar sany 74 333 001, qaıtys bolǵandar sany 884 260 boldy.
Úndistan indet juqtyrǵandar sany boıynsha ekinshi orynda tur, onda COVID-19 rastalǵan jaǵdaılardyń sany 41 302 440-qa jetti, al vırýsty juqtyrý saldarynan qaıtys bolǵandar sany - 495 050.
COVID-19 juqtyrǵandar sany boıynsha úshinshi orynda Brazılıa tur, onda 25 360 647 adam juqtyrǵan, onyń 627 150-i qaıtys bolǵan.
Álemdegi basty oqıǵalardyń statısıkasyna mamandanǵan Worldometer portalynyń málimeti boıynsha, dúısenbi kúni tańerteń jer sharyndaǵy 1 mıllıon adamǵa shaqqanda ólim kórsetkishi 728,9-dy qurady. AQSH-ta 1 mıllıon turǵynǵa shaqqanda 2716 adam, Úndistanda 353, Brazılıada 2917 adam qaıtys boldy.