Telegram messendjerinde múgedekter arbasynda otyrǵan Barbı qýyrshaǵynyń sýreti tarap ketti.
Onyń baǵasynda bul qýyrshaqtyń «Barbı — býsterlik dozadan keıin» dep atalatyny jazylǵan. Keıbir paıdalanýshylardyń pikirinshe, osylaısha óndirýshi kompanıa COVID-19 qarsy vaksınalar óte qaýipti jáne emdelmeıtin aýrýlar týdyratynyn jetkizbek. Bul jalǵan, dep habarlaıdy Almaty-akshamy.kz Stopfake.kz saıtyna silteme jasap.
Shyn máninde, sýrette kórsetilgen qýyrshaq Barbie Fashionistas Doll #165 dep atalady. Óndirýshiniń saıtynda qýyrshaqtyń vaksınasıaǵa nemese COVID-19 pandemıasyna qandaı da bir qatysy bar ekendigi týraly eshteńe aıtylmaǵan.
Mattel kompanıasy múgedekter arbasynda otyrǵan jáne protezderi bar qýyrshaqtar serıasyn 2019 jyly ár túrli adamdardyń bolatynyn kórsetý úshin shyǵardy.
Demek, múgedekter arbasyndaǵy Barbı qýyrshaǵynyń pandemıamen eshqandaı baılanysy joq jáne vaksınasıanyń «qaýiptiligi» jaıly eskertý bolyp sanalmaıdy. Al baǵasyndaǵy «býsterlik doza» jazýy manıpýlásıa jáne oıynshyqtyń biregeı ataýyna qatysty emes.