Birlesken jobalarǵa qatysty jospardyń júzege asyrylý barysy týraly esep berildi.
Memleket basshysy Qasym-Jomart Toqaev «LÝKOIL» munaı kompanıasynyń prezıdenti Vagıt Alekperovti qabyldady, dep habarlaıdy Almaty-akshamy.kz Aqordanyń resmı saıtyna silteme jasap.
Qasym-Jomart Toqaevqa munaı kompanıasynyń Qazaqstandaǵy atqaryp jatqan jumystarynyń qorytyndylary jáne kómirsýtegi sektoryndaǵy birqatar birlesken jobalarǵa qatysty jospardyń júzege asyrylý barysy týraly esep berildi.
Vagıt Alekperov Qazaqstan Prezıdentine «QazMunaıGaz» ulttyq kompanıasy men «Lýkoıl» jarıa aksıonerlik qoǵamy arasyndaǵy Kaspıı teńiziniń qazaqstandyq bóligin ıgerý jónindegi jobalar boıynsha yntymaqtastyqtyń qarqyndy damyp kele jatqanyn aıtty. «Jeńis» jáne «Ál-Farabı» jobalary aıasyndaǵy jer qoınaýyn paıdalanýǵa qatysty kelisimsharttar jasalyp, jumystar bastaldy. Sondaı-aq «Lýkoıl» munaı kompanıasy – «Qalamqas-teńiz» ben «Hazar-teńiz» ken oryndaryn ıgerý jónindegi strategıalyq seriktes.
Memleket basshysy qosalqy merdigerlik jumystardy júzege asyrýǵa qazaqstandyq kompanıalar men jergilikti eńbek resýrstaryn barynsha tartý mańyzdy ekenin atap ótti.
