AQSH-tyń 3 birdeı shtatynda aqtútek boran soǵyp, qalyń qar tústi.
Soltústik Dakotada júk kóligi joldan shyǵyp ketti.
Al avstralıalyqtar Rojdestvo merekesin jaýyn-shashyn astynda qarsy aldy, dep habarlaıdy Almaty-akshamy.kz 24.kz-ke silteme jasap.
Taılandtyń ońtústigin sý basyp, temirjol, kólik qatynasy toqtaǵan. Kashmır halqy qystyń eń sýyq kúnderin bastan ótkerip jatyr.
Lınkolnde alapat daýyl soǵyp, qalyń qar tústi. Meteorologtardyń málimetinshe, jeldiń ekpini saǵatyna 55 shaqyrymǵa deıin jetken. Bılik turǵyndardy tysqa shyqpaýǵa jáne kólik tizgindemeýge shaqyrdy. Óıtkeni dúleı daýyldan jol kórinbeı, aǵashtar qulaýy múmkin degen qaýip bar. Sınoptıkter qolaısyz aýa raıy sársenbige deıin jalǵasatynyn eskertti.
Nebraska shtatynyń soltústik-shyǵysynda boran soǵyp, qar jaýdy. Kóktaıǵaq saldarynan qalada qozǵalys qıyndady. Dúleı jeldiń kesirinen aǵashtar qulaýy yqtımal degen qaýip bar. Mamandardyń sózinshe, jeldiń ekpini saǵatyna 45 shaqyrymǵa jetken. Qazir munda tazalyq saqshylary tehnıkanyń kómegimen qalyń qardy arshý jumystaryn júrgizip jatyr.
Júk kóligi joldan shyǵyp ketti Soltústik Dakotanyń shyǵysyna qatty daýyl soǵyp, sońy kóktaıǵaqqa ulasty. Saldarynan Fargo-Mýrhed tasjolynda júk kóligi joldan shyǵyp ketti. Zardap shekkender týraly ázirge aqparat joq. Qazir aımaqtaǵy 94 shtataralyq tasjol ýaqytsha jabyldy.
Al Avstralıada Rojdestvo qarsańynda kún raıy buzylyp tur. Shyǵys jaǵalaýdaǵy eldi mekenderde naızaǵaı oınap, kún kúrkiredi. Kvınslendtiń ońtústik-shyǵysy men Jańa Ýelstiń soltústigine qatty jaýyn-shashyn túsip, dúleı daýyl soqty. Taılandtyń ońtústigin sý basty Taılandta da osyǵan uqsas jaǵdaı. 2 kún qatarynan jaýǵan jaýyn-shashyn saldarynan ońtústiktegi eldi mekenderdi sý basty.
Tasqyn saldarynan 50 myńǵa jýyq turǵyn zardap shekken. Ásirese Naratıvat pen Ialla provınsıasynda jaǵdaı alańdatarlyq. Qazir munda mektepter jumysyn ýaqytsha toqtatty. Kóshede joldar jabylyp, qozǵalys shektelgen. Temirjol qatynasy da ázirge jumys istemeıdi. Kashmırdi tuman basty Kashmırdiń Srınagar aımaǵynda temperatýra kúrt tómendep, qalany tuman basty. Qazir munda qystyń 40 kúndik eń sýyq kezeńi tirkeldi. Sınoptıkter mundaı aýa raıy jeltoqsannyń 31-ine deıin jalǵasady dep boljaıdy.