Almaty turǵyny joq páterlerdi jalǵa bergen, dep habarlaıdy almaty-akshamy.kz
Birneshe jergilikti turǵyndardyń polısıaǵa habarlasýynan keıin alaıaqtyq belgili boldy. Sondaı-aq báriniń aıtatyny birdeı boldy.
– Qalada páter jaldaýǵa tyrysqan azamattar tanymal ınternet-qyzmetten jarnama izdedi. Páter ıesimen telefonmen habarlasqan. Baǵalar naryqtaǵydan áldeqaıda tómen boldy. Ózderine unaǵan páterdi brondaý úshin olar 100 paıyzdyq tólem jasady. Aqshany alǵannan keıin “rıeltor” birden baılanysyn toqtatty. Biz kúdikti Almaty qalasynyń 22 jastaǵy turǵynyn anyqtap, ustadyq. Alaıaqtyq faktisi boıynsha QR QK-niń 190-baby 3-bóliginiń 4-tarmaǵy boıynsha qylmystyq is tergelýde. Bul kezeńde onyń osyǵan uqsas 8 epızodqa qatysy bar ekendigi anyqtaldy. Anyqtalǵandaı, ár klıentten kúdikti 130 myń teńge, qosymsha 50 myń teńgeni quraıtyn aldyn ala tólemdi aldy, – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Ustalǵan adamǵa qatysty aldyn ala tergeý kezeńinde qamaý túrindegi bultartpaý sharasy tańdaldy.