Qytaıǵa jasaǵan saparynda Prezıdent eki el agroónerkásip salasyndaǵy yntymaqtastyqty damytýǵa mol múmkindik baryn málimdedi.
Memleket basshysy aldaǵy ýaqytta Qazaqstan qantpen ózin tolyq qamtamasyz etýdi josparlaıtynyn atap ótti, dep habarlaıdy Almaty-akshamy.kz.
«Sol úshin keshendi jospar qabyldandy. Sizderdi Qazaqstanda qant óndirisin damytýǵa belsendi atsalysýǵa shaqyramyn», - dedi memleket basshysy.
Sıanda ótip jatqan ınvestısıalyq dóńgelek ústelde prezıdent Qazaqstan álemde bıdaı óndiretin eń iri 10 eldiń biri ekenin atap ótti. Qazaqstan jylyna 5.5 mln tonnaǵa jýyq astyq pen 1,5 tonnaǵa jýyq un eksporttaıdy. Aldaǵy ýaqytta Qytaıǵa 1 mln tonna bıdaı jetkizýdi kózdep otyr.
Sonymen qatar sońǵy bes jylda Qazaqstannan Qytaıǵa eksporttalǵan maıly daqyldar kólemi 3.5 ese, ósimdi maıy 2 ese artqan.
«Kásipkerlerimiz Qytaıǵa sıyr, qoı, shoshqa, taýyq etin jónelte alady», - dedi ol.