Úkimet otyrysynda QR Premer-Mınıstri Álıhan Smaıylovtyń tóraǵalyǵymen sý tasqyny kezeńine daıyndyq máselesi qaraldy.
Tótenshe jaǵdaılar mınıstri Syrym Sháriphanov aldaǵy sý tasqyny kezeńine daıyndyqty aldyn ala bastalǵanyn atap ótti, dep habarlaıdy Almaty-akshamy.kz QR TJM mınıstrligine silteme jasap.
Búgingi kúni sý tasqynyna qarsy is-sharalardyń Jol kartasy aıasynda 126 is-shara oryndaldy, atap aıtqanda: jaǵalaýdy nyǵaıtý jáne túbin tereńdetý jumystary, nóser kárizderi men qorǵanys bógetterin jóndeý jáne salý, sý ótkizý qubyrlaryn jóndeý jáne aýystyrý jáne t. b. Birqatar óńirlerde qurylys jumystary jalǵasýda. Aqmola oblysynda Esil sý rettegishin salý boıynsha jobalaý smetalyq qujattamalary ázirlenýde.
«Ótken jylǵy taldaý kórsetkendeı, oıpatty bólikterde salynǵan, sondaı-aq sý qorǵaý beldeýlerinde jáne ózen arnalaryna jaqyn ornalasqan úıler negizinen sý astynda qaldy. Qazirgi ýaqytta ǵımarattardy sý qorǵaý beldeýlerine ornalastyrý barlyq jerde problema bolyp tabylady! Nátıjesinde, memleket sý tasqynynan zardap shekken azamattarǵa ótemaqy tólemderin júzege asyrady. Osyǵan baılanysty, ákimdikter birinshi kezekte, osy eldi mekenderdi qorǵaýdy qamtamasyz etýdi nemese olardy kóshirý múmkindigin qaraýdy jáne bul aımaqtarda bolashaqta qurylysqa tyıym salý qajet», - dep Syrym Sháriphanov atap ótti.
Qazgıdromettiń aldyn ala boljamyna sáıkes, elimizdiń kóptegen óńirlerinde jaýyn shashyn mólsheri normadan kóp topyraqtyń tereń qatý yqtımaldyǵyna kútilýde.
Osyǵan baılanysty TJ mınıstri ońtústik jáne soltústik óńirderdi joǵary ázirlik rejımine kóshýge shaqyrdy.
Sý tasqyny jaǵdaıynyń yqtımal asqynýlaryna jedel den qoıý maqsatynda 39 myńnan astam adam, shamamen 11 myń birlik tehnıka, 500-den astam júzý quraly jáne 3 myńnan astam motopompa sanynda azamattyq qorǵaýdyń memlekettik júıesiniń kúshter men quraldardyń arnaıy toptary quryldy.
Azamattyq qorǵaý júıesiniń basqarý organdarynyń, kúshteri men quraldarynyń is-qımyldaryn tájirıbelik pysyqtaý Aqtóbe qalasynda basqarma shtabymen «Kóktem-2024» respýblıkalyq komandalyq-shtabtyq oqý-jattyǵý sheńberinde júzege asyrylatyn bolady.
Aldaǵy sý tasqyny kezeńine daıyndyq jáne ony turaqty ótkizý maqsatynda TJ mınıstri áleýmettik-ekonomıkalyq damýdyń keshendi josparlarynda jáne óńirlerdiń damý josparlarynda kózdelgen sý tasqynyna qarsy is-sharalardy iske asyrýdy qamtamasyz etý qajettigin atap ótti.