Onyń 700 myńǵa jýyǵy alty jasqa deıingi bala.
Bul týraly búgin ótip jatqan Úkimet otyrysynda Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz
Jıynnyń kún tártibinde sanıtarıalyq-epıdemıologıalyq ahýal qaralatynyn keshe habarlaǵanbyz.
Densaýlyq saqtaý mınıstri Ajar Ǵınıattyń aıtýynsha:
2023 jyldyń qorytyndysy boıynsha juqpaly aýrýlar boıynsha epıdemıologıalyq ahýal turaqty bolyp qaldy.
Aldyn alý sharalarynyń arqasynda 20 asa qaýipti juqpaly aýrý tirkelgen joq, olardyń arasynda oba, tyrysqaq jáne polıomıelıt bar.
Sondaı-aq 39 ınfeksıa boıynsha, onyń ishinde koronavırýs, rotavırýs jáne jiti ishek ınfeksıalary boıynsha syrqattanýshylyq tómendedi.
Aldyn alý maqsatynda ótken jyly qaýip-qater tobyna jatatyn 2,4 mln adam tumaýǵa qarsy ekpe aldy, bul halyqtyń 12%-yn quraıdy.
Jalpy epıdemıologıalyq maýsym bastalǵannan beri stasıonarlarda 31 myńnan astam naýqas emdeldi, 2 mln-nan astam naýqas ambýlatorıalyq em aldy.
El boıynsha barlyǵy 10 myńǵa jýyq ınfeksıalyq tósek-oryn qoıyldy, olardyń ishinde balalar úshin shamamen 3 myń tósek-oryn qarastyrylǵan.
2023 jyldyń sońynda elde 29 myńnan astam qyzylsha juqtyrý jaǵdaıy tirkeldi, onyń 80%-y 14 jasqa deıingi balalarǵa tıesili.
1 qańtardan bastap 1 674 qyzylshamen syrqattanýshylyq tirkeldi.
Jaǵdaıdy turaqtandyrý úshin ótken jyly jospar boıynsha vaksınalaý júrgizildi, nátıjesinde alty jasqa deıingi 700 myńǵa jýyq bala ekpe aldy.
Búgingi tańda qosymsha vaksınalaý aıasynda 930 myńnan astam adam ekpe aldy, kún saıyn 20 myńnan astam adam vaksına alýda.