Qarjylyq monıtorıń agenttiginiń Almaty oblysy boıynsha Departamenti Qazaqstan, TMD jáne alys shet el aýmaǵynda jumys istegen "1WIN" onlaın-kazınosynyń zańsyz qyzmetine qatysty sotqa deıingi tergeý júrgizýde.
Onlaın-platforma zańsyz oıyn bıznesin uıymdastyrýmen qatar, myńdaǵan otandastarymyzdy tartyp, tıisti lısenzıasyz býkmekerlik qyzmet kórsetken, dep habarlaıdy almaty-akshamy.kz zakon.kz-ke silteme jasap.
Aqshalaı qarajat ınternet-ekvaırıng arqyly aýtentıfıkasıasyz qabyldanǵan, bul tipti kámeletke tolmaǵandarǵa da qumar oıyndarǵa qatysýǵa múmkindik berdi.
2023 jyldyń ózinde-aq onlaın-kazıno aınalymy shamamen 4 mlrd teńgeni quraǵan.
"Tergeý jalǵasýda, onlaın-kazıno saıty buǵattaldy, tórt uıymdastyrýshyǵa halyqaralyq izdeý jarıalandy. Tárkilenýge jatatyn múlikke jáne jalpy somasy 1,5 mlrd teńge aqshalaı qarajatqa tyıym salyndy, sondaı-aq "Mercedes-Maybach S500" jáne "Lamborghini Huracan" avtokólikteri tárkilendi", - dep jazdy QMA baspasóz qyzmeti.
QR QPK-niń 201-babyna sáıkes ózge de aqparat jarıa etilýge jatpaıdy.
Qarjylyq monıtorıń agenttigi Qazaqstan Respýblıkasynyń zańnamasyna sáıkes elde onlaın-kazıno qyzmetine tyıym salynǵanyn, al býkmekerlik qyzmetter tıisti lısenzıa bolǵan jaǵdaıda ǵana kórsetiletinin eskertedi.