Aldaǵy referendým – bul eldegi saıası transformasıanyń sońǵy satysy emes. Bul týraly Memleket basshysy Qasym-Jomart Toqaev aıtty, dep habarlaıdy Almaty-akshamy.kz Elorda.info-ǵa silteme jasap.
"Aldaǵy referendým – bul eldegi saıası transformasıanyń sońǵy satysy emes ekendigin atap ótkim keledi. Bul túptep kelgende onyń bastaýy. Jumys endigi ǵana bastalady. Óıtkeni, ómirdiń ózi jáne azamattardyń qajettiligi bizdiń aldymyzǵa jańa mindetterdi júkteıtindigi sózsiz. Biz saıası salada taldyrma terapıa orynsyz ekendigine súıenýmiz qajet", - dedi QR Prezıdenti Ulttyq ǵylym akademıasynyń 75 jyldyǵyna arnalǵan saltanatty sesıada sóılegen sózinde.
Memleket basshysynyń paıymdaýynsha, kúrdeli geosaıası ahýalda ol búldirýshi saldarǵa, quldyraýǵa, tipti memlekettikten aıyrylyp qalýǵa ákelýi múmkin. Sondyqtan da osynaý kúrdeli jolda ár qadamdy oılastyra otyryp, nyq ári senimdi basý qajet.
"Tasyǵan ózennen óterde aıaǵyńnyń jerge tıetindigin bilýiń qajet» deıdi shyǵys danalyǵy. Eń bastysy, qoǵamymyz alǵashqy qadam jasaýǵa daıyn jáne ol eń sońǵysy bolmaq emes. Reformanyń mindetti túrde jalǵasy bolady", - dedi Qasym-Jomart Toqaev.