Stýdentterdi onlaın formatta oqytý mańyzdylyǵy artyp keledi.
Dúnıejúzilik ekonomıkalyq forým boljamdaryna sáıkes, 10 jyldan keıin 60 paıyzǵa jýyq mamandyq transformasıaǵa ushyraıdy ne bolmasa isten shyǵady. Bul týraly Ortalyq komýnıkasıalar qyzmetinde ótken brıfıńte Ǵylym jáne joǵary bilim vıse-mınıstri Qýanysh Erǵalıev aıtty, dep habarlaıdy Almaty-akshamy.kz QazAqparatqa silteme jasap.
«Dúnıejúzilik ekonomıkalyq forým boljamdaryna sáıkes, 10 jyldan keıin 60 paıyzǵa jýyq mamandyqtar transformasıaǵa ushyraıdy, ıá bolmasa isten shyǵady. Tıisinshe, olardyń eńbek naryǵyndaǵy básekege qabilettiligin qamtamasyz etý úshin mamandardyń qosymsha quzyretttilikterin alý qajettiligi óte joǵary. Osyǵan baılanysty Memleket basshysynyń tapsyrmasy boıynsha ómir boıy bilim alý tujyrymdamasy ázirlendi. Tujyrymdamada kózdelgen sharalar kóptegen bilim alý joldary arqyly, formaldy emes oqytý arqyly da, jańa bilim men quzyrettilikterdi alýǵa múmkindik beredi. Tujyrymdamany júzege asyrý maqsatynda memlekettik bilim berý standartynda mıkrokvalıfıkasıa bilim alý nátıjelerin qabyldaý josparlanǵan», - dep toqtaldy vıse-mınıstr.
Qýanysh Erǵalıevtiń málimdeýinshe, stýdentterdi onlaın formatta oqytý mańǵyzdylyǵy artyp keledi. Osyǵan baılanysty kelesi oqý jylynan bastap, atalǵan bilim berýdiń jańa túri iske qosylady. Atap aıtqanda, ýnıversıtetterde sıfrlyq oqytý resýrstaryn, jeliler men jappaı ashyq onlaın-kýrstardy damytý josparlanýda.