OPEK sarapshylary mundaı senarıdi qarasha aıyndaǵy esebinde aıtty.
Bul onyń aldynda jasalǵan boljammen salystyrǵanda 28 myń barelge artyq ekenin aıta ketken jón. Mamandar muny «Qashaǵan» men «Teńiz» jáne «Qarashyǵanaq» ken oryndarynda qara altyn óndirisiniń birshama artýymen baılanystyrady. Alaıda «OPEK-ke kirmeıtin» elder úshin aldaǵy jylǵa arnalǵan munaı jetkiziliminiń ósimine qatysty qazan aıyndaǵy boljam ózgerissiz qaldy, dep habarlaıdy Almaty-akshamy.kz Jjtv.kz-ke silteme jasap.
Iaǵnı, ol táýligine bir jarym mıllıon bareldi quraıdy. Ósimdi Qazaqstan, AQSH, Norvegıa, Brazılıa, Kanada jáne Gaıana syndy iri munaı eksporttaýshy elder qamtamasyz ete alady dep josparlanýda.
Degenmen OPEK álem boıynsha munaıǵa suranystyń artýyna qatysty boljamyn bıyl táýligine 100 myń tonna barelge azaıtyp, eki jarym mıllıon, al 2023 jyly dál sol táýliktik kórsetkishke saı 2,2 mıllıon barelge tómendetti. Sarapshylardyń pikirinshe, jahandyq pandemıa men geosaıası jaǵdaılarǵa baılanysty álemdik ekonomıkanyń turaqsyzdyǵy suıyq kómirsýtekterdi tutynýdyń azaıýyna ákep soǵýy múmkin.