Qazaqstanda Ulttyq sanaqty júrgizýge daıyndyq júrip jatyr
2021 jylǵy Ulttyq sanaqty júrgizý jumysyna 32 myńnan astam adam tartylatyn bolady. Intervúer qyzmetine bastamashyl, jaýapty, kommýnıkabeldi, kompúterde jumys jasaı alatyn 18 jastan asqan Qazaqstan azamattary úmitker bola alady, dep habarlady Almaty-akshmy.kz. QR strategıalq josparlaý jáne reformalar agenttigine siltemelep.
Intervúerdiń mindetine elimizdiń qalalary men aýyldaryndaǵy úı sharýashylyqtaryn jappaı aralaý kiredi. Úılerdi aralaý kezeńinde ıntervúerge arnaıy kýálikter men Ulttyq sanaqtyń atrıbýttary beriletin bolady.
«Kýálikte ıntervúerdiń fotosýreti, tegi, aty, ákesiniń aty, kýáliktiń berilgen ýaqyty men jaramdylyq merzimi, sondaı-aq, aýmaqtyq statısıka bólimshesiniń qoly men móri bolady. Barlyq ıntervúerlerde halyq sanaǵynyń belgileri bar kók tústi moıynoraǵysh pen portfel bolýy tıis», - deıdi Ulttyq statısıka búrosynyń resmı ókili Oljas Saılaýbekuly.
Esterińizge sala keteıik, 2021 jyldyń Ulttyq sanaǵy 1 qyrkúıekten 30 qazanǵa deıingi aralyqta ótedi. Oǵan onlaın rejıminde de, dástúrli tásilmen de qatysýǵa bolady. 2021 jyldyń sanaǵynyń urany – «Qazaqstanda árkim mańyzdy! V Kazahstane kajdyı vajen!».
