"Qazgıdromet" RMK mamandary aldaǵy kúnderge arnalǵan aýa raıy boljamyn usyndy.
Sınoptıkterdiń málimetinshe, aldaǵy úsh táýlikte Qazaqstan aýmaǵynda atmosferalyq fronttardyń ótýine baılanysty aýa raıy qubylmaly bolady, jańbyr jaýyp, naızaǵaı oınaıdy, dep habarlaıdy aqshamnews.kz.
Shyǵys jáne ońtústik-shyǵys aımaqtardyń taýly óńirlerinde túnde jańbyr men qar túrinde jaýyn-shashyn túsedi.
2 mamyr kúni respýblıkanyń ońtústik-shyǵysynda qatty jańbyr jaýady, burshaq túsýi múmkin. Qazaqstannyń soltústik-batysynda, soltústiginde, ortalyǵynda jáne shyǵysynda túnde úsik saqtalady. Respýblıka boıynsha jel kúsheıip, túngi jáne tańǵy saǵattarda tuman kútiledi.