Qazaqstandyq su salasynyń 30 mamany QHR-da ekí aptaǵa sozylǵan bílíktílík arttyru kursyn ayaqtady.
Sonymen qatar AQSh-ta bír aılyq oqudan ótken mamandar toby da elge oraldy, dep habarlaıdy aqshamnews.kz.
Su resurstary jáne ırrıgatsıya mınıstrlígíníń ókílderí shetelden oralǵan mamandarmen kezdestí. Aldaǵy uaqytta olar áríptesterí shetelde jınaǵan tájírıbení meńgeríp, óz qyzmetterínde qoldanady.
Barlyq kurstar qabyldaushy elder esebínen, halyqaralyq kelísímder men baǵdarlamalar ayasynda ūıymdastyrǵanyn aıta keteıík. Būl sharalarǵa memlekettík byudjetten qarajat bólíngen joq.
Jyl sońyna deıín Qytaıǵa 25 adamnan tūratyn taǵy úsh top jíberíledí. Búgínde Su resurstary jáne ırrıgatsıya mınıstrlígí ózge de elderde osyndaı kurstar ūıymdastyru boıynsha belsendí kelíssózder júrgízíp jatyr.
Sonymen qatar The International Visitor Leadership Program halyqaralyq almasu baǵdarlamasy ayasynda qazaqstandyq mamandar AQSh-qa baryp, su resurstaryn basqaru júıesín jetíldíru joldaryn zerttedí.
«Tehnologıya men tsıfrlandyrudyń damuyna baılanysty su salasy mamandaryn qaıta dayarlauǵa degen sūranys artyp otyr. Qazaqstan aldyńǵy qatarly elderdíń tájírıbesín belsendí túrde meńgeruge ūmtylyp jatyr. Būl tūrǵyda Qytaıdy álemdík kóshbasshy dep atauǵa bolady. QHR-da su ınfraqūrylymdary jaqsy damyǵan árí ózíndík erekshelíkterí bar. Sonymen qatar olar su salasyndaǵy bílíktí mamandardy daıyndaudyń tıímdí ádísterín qoldanady. Sondyqtan Qytaıdyń būl tájírıbesí bízdíń su mamandary úshín óte paıdaly», – dedí Su resurstary jáne ırrıgatsıya vıtse-mınıstrí Aslan Abdraımov.