Qazaqstan aýmaǵynyń basym bóligi soltústik-batys antısıklony yqpalynda bolady.
«Qazgıdromet» mamandary 19-21 naýryz kúnderine arnalǵan aýa raıy boljamyn jarıalady, dep habarlaıdy Almaty-akshamy.kz.
Mamandardyń boljamy boıynsha, apta sońynda Qazaqstan aýmaǵynyń basym bóligi soltústik-batys antısıklony yqpalynda bolady, osyǵan baılanysty aıazdy, kóbine jaýyn-shashynsyz aýa raıy saqtalady. Alaıda Jańa jer arhıpelagy jaqtan keletin sıklon 20 naýryzda respýblıkanyń soltústik, soltústik-batys aımaqtaryna áser ete bastaıdy.
«Sıklon ońtústik-shyǵysqa qaraı aýysyp, 21 naýryzda respýblıkanyń basym bóligin qamtıdy. Osyǵan baılanysty aýa temperatýrasy joǵarylap, kún kurt buzylady, atap aıtqanda, ońtústikte jáne ońtústik-shyǵysta qar aralas jaýyn-shashyn (jańbyr, qar) jaýyp, jel kúsheıedi, jaıaý burqasyn soǵýy yqtımal. Respýblıka boıynsha tuman túsýi yqtımal», - delingen sınoptıkter habarlamasynda.