Otandyq veterınarıa júıesi qalaı reformalanady?
Erbol Qarashókeev Aýyl sharýashylyǵy mınıstrliginiń Memleket basshysynyń agroónerkásiptik keshendi odan ári damytý boıynsha alǵa qoıǵan mindetteri aıasynda aǵymdaǵy kezeńniń birqatar negizgi jáne ózekti máselelerin sheshý boıynsha júrgizip jatqan jumysy týraly aıtty, dep habarlaıdy Almaty-akshamy.kz
Mınıstr veterınarıa júıesin reformalaý qolǵa alynǵanyn aıtty.
«Búgingi tańda biz osy júıeniń qazirgi jaǵdaıyn muqıat taldadyq, problemalyq máseleler men olardyń paıda bolý sebepterin anyqtadyq. Osy negizde olardy sheshýdiń tásilderi ázirlendi. Atap aıtqanda, endi veterınarıa júıesindegi barlyq baqylaý-qadaǵalaý fýnksıalary bir vedomstvoda, atap aıtqanda, Aýyl sharýashylyǵy mınıstrliginiń Veterınarıalyq qadaǵalaý jáne baqylaý komıtetinde shoǵyrlandyrylatyn bolady»,- dep habarlady Erbol Qarashókeev.
ASHM basshysy jergilikti atqarýshy organdardyń veterınarlyq qyzmetteri tek atqarýshylyq fýnksıalardy oryndaıtynyn aıtty.
«Ekinshiden, kelesi jyldan bastap praktıkalyq mal dárigerleriniń jalaqysy orta eseppen 68%-ǵa ósedi», - dep atap ótti Erbol Qarashókeev.