Bul – jahandaný úrdisi kezinde ózindik tarıhı daralyqty saqtap qalý múmkindigi
IýNESKO uıymy bıyl álemniń túkpir-túkpirinen 59 nomınasıany jarıalaǵan edi. Dúnıejúzilik kóshpendiler oıyndaryn usynǵan Qyrǵyzstan bul sanatta birinshi turdy, dep habarlaıdy Almaty-akshamy.kz
Mamandardyń aıtýynsha, jarystar kóshpeli halyqtyń ulttyq sport dástúrlerine qyzyǵýshylyǵyn jańǵyrta túsken. Sol sebepti de IýNESKO tizimine engizildi.
«Bul – mańyzdy oqıǵa. Árıne, dúnıejúzilik mádenı mura retinde IýNESKO tizimine ensek, qýana-qýana óz úlesimizdi qosamyz. Bul – biz úshin úlken abyroı. Óıtkeni dástúrlerdi saqtap, ony urpaqtan-urpaqqa sol qalpynda jetkizý – úlken mindet», - deıdi volonter Aınash Anarbekova.
Kóshpeli halyqtardyń ulttyq sport jarystaryn ótkizý usynysy Qazaqstan, Qyrǵyzstan, Ázerbaıjan jáne Túrkıa prezıdentteri qatysqan 2012 jyly ótken Túrki tildes elderdiń samıtinde qoldaý tapqan edi. Eki jyldan keıin Ystyqkól jaǵalaýynda alǵashqy Dúnıejúzilik kóshpendiler oıyndary ótti. Qazaqstandyq sportshylar bul jarystarda árqashan kósh basynan kórinip keledi.