2025 jylǵy 1 qańtardan bastap arnaýly áleýmettik qyzmetter kórsetetin memlekettik uıymdardyń birinshi basshylaryn rotasıalaý júrgiziletin bolady.
Rotasıa bir eldi meken sheginde eki jáne odan da kóp uıym bolǵan jaǵdaıda júzege asyrylady, dep habarlaıdy aqshamnews.kz.
AÁQ usynatyn memlekettik uıymdardyń birinshi basshylaryn rotasıalaýdyń maqsaty – olardyń kásibı áleýetin neǵurlym tıimdi paıdalanýdy qamtamasyz etý.
Qaıta uıymdastyrýǵa (birigýge, bólýge, shyǵarýǵa, qaıta qurýǵa), uıymnyń ataýyn ózgertýge, sondaı-aq jumystan bosatý jáne sol uıymǵa basshy laýazymyna oralý kezeńine qaramastan, arnaýly áleýmettik qyzmetter kórsetý ortalyqtaryn 5 jyldan astam basqaryp kele jatqan uıymdardyń basshylary úshin rotasıa mindetti bolady.
Uıymdardyń basshylary arasynda rotasıa júrgizý týraly jáne belgili bir negizder boıynsha bas tartý týraly sheshimdi halyqty áleýmettik qorǵaý jáne jumyspen qamtý máseleleri jónindegi jergilikti atqarýshy organnyń, AÁQ kórsetý ortalyqtarynyń, áleýmettik qorǵaý salasyndaǵy qoǵamdyq birlestikterdiń, oblystar, respýblıkalyq mańyzy bar qalalar, astana, aýdandar, oblystyq mańyzy bar qalalar ákimdikteriniń qoǵamdyq keńesiniń ókilderinen turatyn komısıa qabyldaıdy.
Uıym basshylary arasynda rotasıa júrgizýden bas tartý úshin: múgedektigi bar balalarynyń, asyraýyndaǵy qart ata-analarynyń; olarmen turaqty turatyn birinshi nemese ekinshi toptaǵy múgedektigi bar otbasy músheleriniń bolýy; zeınetkerlik jasqa keminde eki jyldan az ýaqyttyń qalýy negiz bolyp tabylady.