Mercedes kóligin “Býran-001” patrúldik ekıpajy toqtatqan.
Júrgizýshi jalǵan memlekettik tirkeý nómirlik belgisin paıdalaný deregin moıyndady, dep habarlaıdy Almaty-akshamy.kz Polisia.kz-ke silteme jasap.
Jalǵan nómirler arqyly er adamnyń Jol qozǵalysy erejesin júıeli túrde buzǵany anyqtaldy. Aıyppuldyń jalpy somasy 250 myń teńgeden asty. Sonymen qatar jergilikti polısıa qyzmetinde osy jyldyń 10 aıynda “Qorǵaý – Qaýipti júrgizýshi” júıesi Almaty joldarynda 11 myńǵa jýyq jol qozǵalysy erejesin buzý deregin tirkelgenin, onyń ishinde jalǵan MTNB-men kólik júrgizý – 431, kólik quraldaryn basqarý quqyǵynan aıyrylǵan adamdardyń basqarýymen 122-i anyqtalǵanyn atap ótti.
Kún saıyn “Qorǵaý – Qaýipti júrgizýshi” derekter bazasyna saqtandyrý polısi joq sheteldik tirkeýden ótken MTNB jáne jalǵan memlekettik tirkeý nómirlik belgisi bar kólikter týraly málimetterdi engizý jumystary júrgizilýde. Sonymen qatar, bólimsheniń málimetinshe, qalada kólikterge arnaıy dabyl berý qurylǵylaryn ornatqan kólik júrgizýshilerin, kólik quraldaryn mas kúıinde basqarǵan adamdardy jaýapkershilikke tartý boıynsha maqsatty jumystar jalǵasýda.