Halıd áz-Zákaka esimdi saýdıalyq astronom 2030 jyly ısi musylmannyń eki márte oraza ustaıtynyn habarlady.
Bul jaıynda islam.kz portaly islam.ru aqparat kózine silteme jasaı otyryp málim etedi, dep habarlaıdy aqshamnews.kz.
Iaǵnı, qasıetti Ramazan aıy ár otyz jyl saıyn bir jylda eki ret keledi. Bul ıslam kúntizbesiniń aı sıklimen esepteletindigimen baılanysty. Al Grıgorıan kúntizbesi kúnniń jerdi aınalý sıklimen ólshenedi. Qasıetti Ramazan aıynyń sońǵy ret bir jylda eki ret qaıtalanýy 1997 jylǵa sáıkes keledi. Onyń aldynda mundaı qubylys 1965 jyly oryn alǵan edi. 2030 jyldan soń mundaı qubylys 2063 jylǵa tuspa-tus kelmek. Hıjra jyl sanaýy boıynsha 1451 jyly qasıetti Ramazan 2030 jyldyń qańtar aıynyń 5-i kúni bastalady, sol hıjra boıynsha 1452 jyldyń jeltoqsan aıynyń 26-na tuspa-tus kelmek. Iaǵnı, ısi musylman Grıgorıan kúntizbesi boıynsha 2030 jyly eki márte oraza ustaıdy. Isi musylman osylaısha 2030 jyly shamamen 36 kún oraza ustaıdy: 1451 jyly tolyq 30 kún jáne 1452 jyly shamamen alty kún. Aı hıjrasy boıynsha jyl 354 nemese 355 kúnge sozylady. Bul grıgorıan kúntizbesiniń 365 kúnine múldem sáıkes kelmeıdi.