2022 jylǵy 18 mamyrda Qazaqstan Respýblıkasynyń Ortalyq referendým komısıasy «2022 jylǵy 5 maýsymǵa taǵaıyndalǵan respýblıkalyq referendýmǵa halyqaralyq uıymdar men shet memleketterdiń baıqaýshylaryn akredıtteý týraly» qaýly qabyldady, dep habarlaıdy Almaty-akshamy.kz Referendum2022_kz-ke silteme jasap.
Syrtqy ister mınıstrliginiń usynysy boıynsha akredıtteýge 3 halyqaralyq uıymnan jáne 5 shet memleketten 39 baıqaýshy usynyldy.
Onyń ishinde: 6 baıqaýshy TMD–dan baıqaýshylar mısıasynyń quramynda; 5 baıqaýshy – Túrki memleketteri uıymy baıqaýshylar mısıasynan; 17 baıqaýshy – TMD PAA-dan, sondaı-aq Ázerbaıjan, Belarýs, Bolgarıa, Grýzıa, Moldova elderinen 11 baıqaýshy akkredıtteldi. Akredıtteýge usynystardyń kelip túsýine qaraı baıqaýshylar jónindegi derekter jańartylyp otyratyn bolady.
Halyqaralyq baıqaý ınstıtýtyn Ortalyq referendým komısıasy 2022 jylǵy 6 mamyrda ashty. Halyqaralyq uıymdar men shet memleketterdiń baıqaýshylaryn akredıtteý 2022 jylǵy 30 mamyr saǵat 18:00-ge deıin jalǵasady.