Qytaıdyń Harbın qalasynda ótip jatqan 2025 jylǵy Azıa oıyndarynda frıstaıl-akrobatıkadan Qazaqstan erler quramasy elimizge ekinshi altyn medaldi syılady.
Qazaqstandyq sportshylar sınhrondy sekirýde úzdik atanyp, Sherzod Hashırbaev pen Roman Ivanov birden eki Qytaı komandasyn artta qaldyrdy, dep habarlaıdy aqshamnews.kz UOK-ke silteme jasap.
Ekinshi múmkindikte qazaqstandyq frıstaılshylar 97,92 upaı jınap, jarystyń jeńimpazy atandy.
Ekinshi orynǵa Qytaı quramasy (93,48 upaı) jaıǵassa, úshinshi oryndy da qytaılyq sportshylar (91,57 upaı) ıelendi.
Asan Asylhan men Dinmuhammed Raıymqulov 83,96 upaımen tórtinshi oryn aldy.
Aıta keteıik, Qazaqstan alǵash ret Azıa oıyndarynyń tarıhynda osy sport túrinen altyn medal jeńip aldy.