Almaty qalasy Alataý aýdany ákiminiń orynbasary Ertis Besirov Óńirlik komýnıkasıalar qyzmetinde ótken brıfıńte qandaı mektepter salynyp, qaısysyna jóndeý jumystary júrgiziletini týraly aıtty, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
E. Besirovtyń habarlaýynsha, aýdanda 28 memlekettik jáne 3 jekemenshik mektep jumys isteıdi, barlyǵy 48 771 oqýshy bilim alýda.
«2022-2023 oqý jylyna 1 synypqa 5935 oqýshy tirkeldi, onyń ishinde qazaq synybyna 4 793 oqýshy, orys synybyna 1142 oqýshy qabyldandy. Jeke mektepterde 709 bala bilim alýda, 140 bala 1-synypqa qabyldandy», - dep aıtty E. Besirov.
Qazirde jańadan paıdalanýǵa berilgen №204 jáne №205 mektepteriniń quqyqtyq qujattary daıyndalyp jatqandyǵy belgili boldy.
Búginde barlyq bilim berý mekemelerinde jylý berý maýsymyna daıyndyq jáne aǵymdaǵy jóndeý jumystary 100 paıyzǵa oryndaldy. Sondaı-aq, № 166 lıseıde kúrdeli jóndeý jumystary aıaqtaldy.
«Aýdanda «Darhan», «Nurkent», «Mádenıet» shaǵynaýdandarynda 1500 oryndyq 3 mektep salynýda. Aıaqtaý merzimi 2022 jyldyń qarasha aıynda josparlanyp otyr. Salynyp jatqan 3 mektepten basqa, «Saıaly- 2» jáne «Zerdeli» shaǵynaýdandarynda 550 oryndyq 2 mektep salýdy josparlap otyrmyz», - dep habarlady E. Besirov.
Aýdanymyzda 20 memlekettik jáne 161 jekemenshik balabaqsha jumys isteıdi.
«Saıaly-2» shaǵynaýdanynda 160 oryndyq balabaqsha salynyp jatyr.
E. Besirov óz sózinde «Qarasý» jáne «Saıala» shaǵynaýdandarynda zamanaýı dárigerlik ambýlatorıalar salý josparlanyp otyrǵanyn aıtty. 600 mln teńge kóleminde qarajat bólindi. Qazirgi ýaqytta bul nysandar boıynsha da memlekettik satyp alý rásimi júrgizilýde. Qurylys aǵymdaǵy jyldyń 4-toqsanynda bastalyp, 2023 jyly aıaqtalady.
Sonymen qatar, «Nurkent» shaǵynaýdanynda QR Densaýlyq saqtaý mınıstrliginiń juqpaly aýrýlar ulttyq ǵylymı ortalyǵynyń ǵımaraty salynýda.