Bul kóbinese uıaly telefondarǵa qatysty
Almatyda túngi klýbta eldiń múlkin tonap kelgen ury ustaldy, – dep habarlaıdy Almaty-akshamy.kz Polisia.kz-ke silteme jasap.
Oıyn-saýyq mekemelerindegi urlyq deregin Medeý aýdanynyń polısıa qyzmetkerleri anyqtady.
– QR QPK-niń 128-babyna sáıkes, QR QK-niń 188-baby 3-bóliginiń 2-tarmaǵy boıynsha qylmystyq quqyq buzýshylyqty jasady degen kúdikpen 21 jastaǵy O. esimdi azamat ustaldy. Tergeý anyqtaǵandaı, ol adam kóp jınalatyn oryndardy tańdaǵan: túngi klýbtar, laýnj-barlar, karaoke klýbtary. Qonaqtardyń án aıtýǵa nemese bı bıleýge ketkenin kútip, keıinnen olardyń múlkin urlap ketken. Bul kóbinese uıaly telefondarǵa qatysty. Tergeýdiń qazirgi kezeńinde kúdiktiniń osyǵan uqsas úsh epızodqa qatystylyǵy anyqtaldy, – dedi Medeý aýdandyq Polısıa basqarmasynyń bastyǵy Dáýren Ótebaev.
Tártip saqshylary ustalǵan azamattyń basqa da qylmystarǵa qatysy bar bolýy múmkin ekendigin joqqa shyǵarmaıdy. Osyǵan baılanysty olar azamattardy kúdiktiniń sýretine muqıat qaraýǵa shaqyrady.
– Eger, siz onyń qylmystyq áreketterinen zardap shekken bolsańyz, bizben myna telefon nómirleri boıynsha habarlasýyńyzdy suraımyz: 8(727) 254-48-02; 254-48-10; 8-702-476-66-60, – dedi Ótebaev.