Qazirgi ýaqytta Alataý aýdanynyń 85%-y jaryqtandyrylǵan. Jaryq núkteleriniń sany - 38 105 dana. Bul týraly Óńirlik komýnıkasıalar qyzmetiniń alańynda ótken brıfıńte Alataý aýdanynyń ákimi Azamat Qaldybekov habarlady.
Ol 2020 jyly 413 kóshede 19 471 jaryqdıodty sham ornatylǵanyn eske saldy.
«Aýdan ákimdigi ishinara jaryqtandyrylǵan 378 kóshe boıynsha kóshe jaryǵyn salýǵa JSQ ázirleý boıynsha jumystar júrgizýde. Qurylys-montajdaý jumystarynyń bastalýy 2024 jyly josparlanǵan», - dep habarlady aýdan ákimi.
Aýdannyń kelbetin jaqsartý jáne abattandyrý taqyrybyn jalǵastyrǵan ákim Azamat Qaldybekov «Almaty qalasynyń búdjetke qatysý» baǵdarlamasy qalaı júzege asyrylyp jatqanyn aıtyp berdi. Bıyl qala turǵyndarynan 303 joba kelip tústi, onyń ishinde turǵyndardyń daýys berýine sáıkes iske asyrý úshin 2 mlrd.675 mln. teńge somasyna 54 joba irikteldi. Búgingi tańda 37 nysannyń qurylysy aıaqtaldy. Jyl sońyna deıin qalǵan 17 jobanyń qurylysy boıynsha jumystar júrgizilýde.
Mysaly, jyl sońyna deıin Qarasý shaǵyn aýdanyndaǵy Baǵanaly orda kóshesindegi aleıanyń qurylysy aıaqtalady. Ahanov kóshesindegi jasyl aımaqty aǵymdaǵy jóndeý jumystary aıaqtaldy.