Almatynyń Alataý aýdanynda 1440 oryndyq eki kolej ben 760 orynǵa arnalǵan jataqhanalardyń qurylysy bastaldy. Bul týraly ÓKQ brıfıńinde aýdan basshysy Azamat Qaldybekov málimdedi, dep habarlaıdy almaty-akshamy.kz.
Esterińizge sala keteıik, Memleket basshysy Almatyǵa kelgen saparynda Úkimetke stýdentterge arnalǵan jataqhanalardyń jetispeýshiligi máselesin sheshýdi tapsyrǵan bolatyn. Óıtkeni Almaty ǵylym men bilim berýdiń ozyq ortalyqtarynyń biri bolyp sanalady.
Prezıdent tapsyrmasyna saı, stýdentterge arnalǵan jańa jataqhanalardyń qurylysy boıynsha belsendi jumys júrgizilip jatyr.
«Stýdentterdiń ómir súrý jaǵdaıyn jaqsartý úshin aǵymdaǵy jyly Zerdeli shaǵyn aýdanynda 380 oryndyq jataqhanasy bar 720 orynǵa shaqtalǵan kásiptik-tehnıkalyq kolej qurylysy bastaldy. Sondaı - aq, Alǵabas shaǵyn aýdanynda 380 oryndyq jataqhanasy bar 720 oryndyq ınovasıalyq - tehnıkalyq kolej ǵımaraty salynýda», - dedi Azamat Qaldybekov Almaty qalasynyń ÓKQ brıfıńinde.
Sondaı-aq, Alataý aýdanynda 1 600-den astam adam oqıtyn ýnıversıtet jáne 859 oqýshy oqıtyn eki orta arnaýly oqý orny bar.