Taraptardyń bul yntymaqtastyǵy medıa holdıń pen zertteý ınıstıtýtynyń múmkindikterin ushtastyra otyryp, barynsha keń aýdıtorıaǵa ǵylymı ári sapaly kontent usynýdy kózdeıdi.
Búgin, 8 maýsym, ALATAU AQPARAT JSHS dırektory Erjan Qalymbaıuly Eýrazıa ǵylymı-zertteý ınstıtýtynyń dırektory Sýat Beılur myrzamen ekijaqty dostyq jáne ynymaqtastyq qarym-qatynasty nyǵaıtý maqsatynda kezdesý ótkizdi, dep habarlaıdy Almaty-akshamy.kz
Almatydaǵy Eýrazıa ǵylymı-zertteý ınıstıtýtynda ótken kezdesýde, medıa holdıń pen ınıstıtýt ortasyndaǵy yntymaqtastyq baılanysty damytý taqyryby talqylandy.
Kezdesý aıasynda Erjan Qalymbaıuly men Sýat Beılur «JSHS “ALATAU AQPARAT” medıa holdıńi men Qoja Ahmet Iassaýı atyndaǵy Halyqaralyq qazaq-túrik ýnıversıtetiniń Eýrazıa ǵylymı-zertteý ınıstıtýty arasyndaǵy yntymaqtastyq» týraly kelisim-shartqa qol qoıdy.
Atalǵan kelisim-shart eki taraptyń ortaq ǵylymı-tanymdyq is-sharalardy uıymdastyrý, ózara aqparattyq qoldaý kórsetý jáne sapaly kontenttermen almasýǵa baǵyttalǵan.
Sondaı-aq, kelisim-shart “ALATAU AQPARAT” JSHS qyzmetkerlerine Eýrazıa ǵylymı-zerrtteý ınıstıtýy júrgizetin túrik tili kýrstaryna qatysýǵa múmkindik beredi.
Eýrazıa ǵylymı-zertteý ınıstıtýty Qoja Ahmet Iassaýı atyndaǵy Halyqaralyq qazaq-túrik ýnıversıtetiniń Túrik álemi jáne Eýrazıa keńistigin zertteý baǵytyndaǵy ǵylymı ortalyǵy. Qazaq, túrik, aǵylshyn jáne orys tilderinde turaqty túrde sapaly ǵylymı basylymdardy, ózge de ǵylymı eńbekterdi shyǵaryp keledi.
“ALATAU AQPARAT” JSHS 2020 jyly qurylǵan. Quramyna «Almaty Aqshamy», «Vechernıı Almaty» basylymdary men Almaty-akshamy.kz jáne Vecher.kz saıttary kiredi. Sondaı-aq, kemeldi mýltımedıalyq múmkindikterimen barlyq áleýmettik jelilerdi qamtyǵan, aýqymdy aqparat aıdynyna ıe medıa holdıń.