Bul týraly Respýblıkalyq jeke sot oryndaýshylar palatasynyń tóraǵasy Aıdos Imanbaev aıtty.
Byltyr jeke sot oryndaýshylar kásipkerlerdiń paıdasyna 185 mlrd teńge óndirgen, dep habarlaıdy Almaty-akshamy.kz
2022 jyly alıment tólemegen 4 065 adam ákimshilik, 126 boryshker qylmystyq jaýapqa tartylǵan.
"Sot oryndaýshylardyń qabyldaǵan sharalarynyń nátıjesinde 94% is boıynsha óndirip alýshylarǵa aı saıyn alıment tólenip keledi. Onyń ishinde 63%-y aılyǵynan ustalsa, boryshkerlerdiń 31%-y óz erkimen tóleıdi. Sonymen qatar, 14 mlrd teńge qaryz somasyndaǵy 15 myńǵa jýyq is problemalyq sanalady. Ondaı boryshkerlerdiń zańdy óndirip alýǵa jatatyn tabystary men múlki joq. Bir adamnyń ortasha qaryzy 800 myń teńge", - dedi Aıdos Imanbaev Ortalyq komýnıkasıalar qyzmetinde ótken brıfıńide.
Onyń aıtýynsha, alıment tóleı almaıtyn adamdar jumysqa ornalastyrylady. Odan jaltarǵan jaǵdaıda jaýapqa tartylady.
"Máselen, byltyr 4 065 alıment boıynsha boryshker ákimshilik jaýapkershilikke tartyldy. Bul 2021 jylmen salystyrǵanda 303 iske kóp. Alıment tólemegeni úshin 126 boryshker qylmystyq jaýapkershilikke tartyldy. Turaqty bos oryndar jármeńkesiniń arqasynda sot oryndaýshylardyń kómegimen jyl saıyn keminde 2 000 jumyssyz boryshker jumysqa ornalasady", - dedi palata tóraǵasy.
Sondaı-aq Aıdos Imanbaev byltyr jeke sot oryndaýshylar kásipkerlerdiń paıdasyna 185 mlrd teńge óndirgenin atap ótti.
Qazirgi ýaqytta bala quqyǵyn qorǵaý jónindegi ýákiletti organ bastamasymen alıment mólsherin qaıta qaraý usynysy kóterilip jatyr.