Jańa baǵyttaǵy bir sapardyń baǵasy 2500 teńge dep belgilengen.
Almaty men Ystyqkól arasyna jańa jol salynady, dep habarlaıdy Almaty-akshamy.kz
Sochıde Eýrazıalyq damý bankiniń uıymdastyrýymen ótip jatqan Eýrazıalyq kongres’23 barysynda «Qazaqstandyq memlekettik-jeke menshik áriptestik ortalyǵy» AQ Basqarma Tóraǵasy Samat Saǵyndyqov Almaty men Ystyqkól arasyn jalǵaıtyn jańa jol qurylysy bastalýy múmkin ekenin málimdedi.
«Qazir Qazaqstan men Qyrǵyzstan Almaty men Ystyqkól arasynda balama jol salý boıynsha kelissóz júrgizip jatyr. Azıa Damý Bankiniń konsýltanttary jobaǵa zańdyq, tehnıkalyq jáne qarjylyq skrınıng jasady. Eger joba júzege asatyn bolsa, onda Almatydan Ystyqkól ózenine deıingi jol 85 km-ge jýyq qashyqtyqty quraıdy. Qazirgi qashyqtyq – 460 km. Shamamen joba quny 160 mln dollardan asyp otyr. Al týnel salý shyǵynyn qosa eseptese 600 mln dollardan asyp ketedi. Birneshe eldiń resýrsyn biriktire otyryp transshekaralyq MJÁ jobalardy júzege asyrý jańa ósim núktesin tabýǵa yntalandyrady»,-dedi ol.
Onyń sózinshe, jobanyń júzege asýy Qazaqstan azamattary úshin úlken tıimdilik alyp kelmek: El turǵyndary áýeli janar-jaǵarmaı men ýaqytyn únemdeıdi jáne burynǵydaı uzaq júrip kólikterin de sharshatpaıtyn bolady.
Jańa baǵyttaǵy bir sapardyń baǵasy 2500 teńge dep belgilengen. Biraq kólik túrine baılanysty qun ózgerýi múmkin. Joldyń negizgi bóligindegi jyldamdyq – saǵatyna 150 km dep belgilense, taýly aımaqtarda saǵatyna 30 km-den asyrýǵa bolmaıdy.