Oqushylar jazda mūrajaılar men teatrlarǵa tegín kíre alady, - dep habarlaıdy aqshamnews.kz tílshísí.
Úkímet otyrysynda mádenıet jáne aqparat vıtse-mınıstrí Qanat Ysqaqov balalarǵa arnalǵan jazǵy demalysty ūıymdastyru boıynsha júrgízílíp jatqan jūmystar turaly bayandady.
Ol Mádenıet jáne aqparat mınıstrlígíne qarasty mekemeler jazǵy demalysty tıímdí ūıymdastyru maqsatynda jas ūrpaqtyń mádenı jáne shyǵarmashylyq áleuetín keńeıtuge baǵyttalǵan auqymdy ís-sharalar keshenín ázírlegenín atap óttí.
Mınıstrlíkke qarasty 10 bílím ordasynda búgínde 10 myńnan astam shákírt bílím alyp jatyr. Būl ūıymdarda jaz mezgílíne arnalǵan arnaıy mádenı-tanymdyq baǵdarlamalar bekítíldí.
"Jazda elímízdíń barlyq mektep oqushylaryna muzeıler men teatrlarǵa, ózge de mádenı mekemelerge tegín kíruge múmkíndík jasalyp otyr. Būl árbír balaǵa mádenı mūramen etene tanysyp, ruhanı baıı túsuge jol ashatyn ıgí bastama", — dep tolyqtyrdy Qanat Ysqaqov.