Zańsyz ákelingen taýarlardyń kedendik quny shamamen 43 mln teńgeni quraıdy
Almaty oblysy boıynsha Memlekettik kirister departamentiniń «Alakól» keden beketinde 22 483 keli kóleminde «qolǵap» túrindegi taýarlardy zańsyz ákelýdiń joly kesildi, dep habarlaıdy Almaty-akshamy.kz.
QM Memlekettik kirister komıteti baspasóz qyzmetiniń habarlaýynsha, kedendik tekserip qaraýdy júrgizý úshin taýardyń kedendik qunynyń tómendeýi negiz bolǵan.
«Alakól» keden beketiniń mamandarymen kedendik tekserip qaraýdy júrgizý kezinde Qazaqstan Respýblıkasynyń keden zańnamasyn buzýshylyqtar anyqtaldy.
"Zańsyz ákelingen taýarlardyń kedendik quny shamamen 43 mln teńgeni quraıdy. 2022 jyldyń sáýir aıynda materıaldar qylmystyq is qozǵaý úshin Almaty oblysy boıynsha Ekonomıkalyq tergeý departamentine joldandy", - delingen habarlamada.
Osy jyldyń basynan bastap qazirgi ýaqytqa deıin departament 21 fakt boıynsha (13 júk alýshy boıynsha, onyń ishinde 9 – rezıdent, 4 - rezıdent emes) qylmystyq is qozǵaý úshin quqyq qorǵaý organdaryna materıaldardy jiberdi, onda kedendik quny shekti deńgeıden asqany anyqtalǵan (10 000 AEK-ten astam).
Osylaısha málimdelmegen taýarlardyń jalpy kedendik quny 1 mlrd 836 mln teńgeni, al málimdelmegen taýarlardyń salmaǵy 695 teńge.