Birinshi partıada qos breıkke qol jetkizgen qazaqstandyq-argentınalyq jup aıqyn basymdylyq tanytty
Qazaqstannyń juptyq synda birinshi, álemniń 25-raketkasy Andreı Golýbev Rım masters týrnıriniń jartylaı fınalyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi argentınalyq Maksımo Gonsalespen birge shırek fınalda ýrýgvaılyq Arıel Behar – ekvadorlyq Gonsalo Eskobarmen kúsh synasty.
Birinshi partıada qos breıkke qol jetkizgen qazaqstandyq-argentınalyq jup aıqyn basymdylyq tanytty – 6:2.
Ekinshi set áldeqaıda tartysty órbip, mach taǵdyry taı-breıkte sheshildi – 7:6 (12:10).
Bir saǵat 45 mınýtqa sozylǵan báseke barysynda A.Golýbev pen M.Gonsales eıs jasamaǵanymen, 6 breık-poınttyń ekeýin paıdalandy.
A.Golýbev pen M.Gonsalestiń jartylaı fınaldaǵy qarsylastary keıin anyqtalady.
Taǵy bir qazaqstandyq Denıs Evseev reseılik Aleksandr Shevchenkomen birge Shymkent chellendjer týrnıriniń fınalyna shyǵa almady. Bul jup jartylaı fınalda tartysty machta shveısarıalyq Antýan Bele – brazılıalyq Gabrıel Dekampqa ese jiberdi – 5:7, 7:6 (7:5), 6:10.
Eske sala keteıik, budan buryn Elena Rybakınanyń Rım týrnıriniń shırek fınalyna shyǵa almaǵanyn, Iýlıa Pýtınsevanyń álemniń jetinshi raketkasyna jol bergenin jazǵan bolatynbyz.
Esesine Andreı Golýbev Rım masters týrnıriniń shırek fınalyna shyqty.
Devıs kýbogynda Qazaqstan tenısshileriniń qaı kúnderi oınaıtyny anyqtaldy.