Bankten qaıtarymsyz nesıe alýǵa ýáde bergen
Bostandyq aýdandyq polısıa Basqarmasynyń málimetinshe, birqatar alaıaqtyq jasady degen kúdikke 1979 jyly týǵan B.esimdi azamatsha ilikti, dep habarlaıdy Almaty-akshamy.kz.
«Búgingi kúni bizdiń bólimsheniń óndirisinde úsh adamnyń aryzy jatyr. Ol bireýge áleýmettik baspana alý kezegin «jyljytyp» berýge, bireýge bankten qaıtarymsyz nesıe alýǵa ýáde berip, úshinshisin qylmystyq istiń tergeý barysyna yqpal ete alatynyna sendirdi. Biraz ýaqyttan keıin bul adamdar aldanǵandaryna kóz jetkizip, ishki ister organdaryna júgindi. B.esimdi azamatsha ustaldy. Tergeý merziminde qamaýǵa alý túrindegi bultartpaý sharasyn tańdaý týraly sheshim qabyldanady. Sonymen qatar, qazir basqa da yqtımal jábirlenýshilerdi anyqtaý jumystary júrgizilýde. Sotqa deıingi tergeý jalǵasýda», - dedi, Bostandyq aýdandyq polısıa Basqarmasynyń bastyǵy, polısıa polkovnıgi Dýman Aýhadıev.
Polısıa qyzmetkerleri, B.esimdi azamatshanyń zańsyz áreketterinen zardap shekken adamdar myna telefon nómirleri arqyly habarlasa alatynyn habarlady: 254-47-01; 254-47-02 jáne 8-702-160-06-34.