Polısıa alaıaqtardyń qurbany bolmaýdyń joldaryn aıtty, dep habarlaıdy aqshamnews.kz
Alaıaqtyqtyń túrleri men olardan saqtaný joldary týraly túsindirý jumystary júıeli túrde júrgizilip jatqanyna qaramastan, jyl basynan beri óńirde 1158 alaıaqtyq faktisi tirkeldi.
Onyń ishinde 996 ınternet arqyly jasalǵan qylmystar qataryn tolyqtyrdy. Alaıaqtardyń basty maqsaty – aıla-amal arqyly azamattardyń aqshasyn aldaý jolymen ıemdený.
Osyndaı jaǵymsyz jaǵdaılarǵa tap bolmas úshin polısıa qyzmetkerleriniń myna keńesterin ustanyńyz:
bank pen uıaly baılanys operatorlarynan kelgen SMS-kodtardy eshkimge aıtpańyz;
jeke derekterińizdi, bank kartalaryńyz ben shottaryńyz týraly aqparatty bógde adamdarǵa jibermeńiz jáne jarıa etpeńiz;
banktik kartańyzdy eshkimge bermeńiz jáne beıtanys adamdardan atyńyzǵa aqsha aýdarymdaryn qabyldamańyz;
ınternet-dúkenderden taýar ne qyzmet alarda sol dúkenniń bedeli men pikirlerin tekserińiz;
esińizde bolsyn:
quqyq qorǵaý organdarynyń nemese bankterdiń qyzmetkerleri eshqashan sizden tranzaksıa jasaýdy nemese telefon arqyly jeke málimetterdi suramaıdy;
qarjy operasıalaryn jasamas buryn, aqparattyń durystyǵyn mindetti túrde tekserińiz;
úıge ózińiz shaqyrmaǵan beıtanys adamdar kelgen jaǵdaıda esik ashpańyz. Olar kim bolyp tanystyrsa da, abaı bolyńyz;
beıtanys adamdarǵa aqsha bermeńiz jáne aqshany usaqtap berip ne aıyrbastap berýge kelispeńiz;
ózin saýda fırmalarynyń ókilimin dep tanystyrǵan adamdardan azyq-túlik, turmystyq tehnıka nemese dári-dármek satyp almańyz.
Osy qarapaıym erejelerdi saqtaý arqyly siz alaıaqtardyń qurbany bolý qaýipin edáýir azaıta alasyz.