Qyrǵyzstanda memlekettik tildi qoldanýǵa qatysty zań jobasy qabyldandy, dep habarlaıdy aqshamnews.kz
Jogorký Keneshtiń otyrysynda depýtattar memlekettik tildi qoldaný máseleleri boıynsha keıbir zańnamalyq aktilerge ózgerister engizý týraly zań jobalary paketin ekinshi jáne úshinshi oqylymda qabyldady.
Túzetýlerge sáıkes, Jogorký Kenesh depýtattary, mınıstrler kabıneti tóraǵasy men onyń músheleri, Konstıtýsıalyq, Joǵarǵy jáne jergilikti sottardyń sýdıalary, prokýrorlar, tergeýshiler mindetti túrde qyrǵyz tilin bilýi tıis. Bul talap ulttyq bank qyzmetkerlerine, quqyq qorǵaý jáne ulttyq qaýipsizdik organdary qyzmetkerlerine de qatysty.
Advokattar men notarıýstar da qyrǵyz tilin jetkilikti deńgeıde meńgermese, lısenzıa ala almaıdy.
Qyrǵyzstandaǵy memlekettik til týraly zań talaptaryn buzǵany nemese oryndamaǵany úshin jeke tulǵalarǵa 5 myń som (shamamen 29 675 teńge), zańdy tulǵalarǵa 17 myń som (shamamen 100 895 teńge) kóleminde aıyppul salynady. Bul norma jeke tulǵalarǵa qatysty normatıvtik quqyqtyq aktilerde belgilengen til bilý talaptaryna qoldanylmaıdy.