Atom elektr stansıasyn salý boıynsha respýblıkalyq referendýmǵa alǵashqylardyń biri bolyp Qytaıda sheteldik daýys berý ýchaskeleri ashyldy.
Bul ýchaskeler Qazaqstannyń Beıjiń, Shanhaı jáne Gonkongtaǵy dıplomatıalyq ókildikteriniń aýmaǵynda uıymdastyrylǵan. №389 referendým ýchaskesi Qazaqstannyń Qytaıdaǵy Elshiliginiń ǵımaratynda, Beıjiń qalasynda ornalasqan.
«Referendýmǵa daıyndyq jumystary júrip jatyr. Daýys berý kúni, orny jáne ýaqyty týraly aqparat taratyldy,» - dep habarlady №389 ýchaskesindegi saılaý komısıasynyń tóraǵasy Nurlan Aqqoshqarov.
Onyń aıtýynsha, №389 referendým ýchaskesinde Beıjińniń joǵary oqý oryndarynda oqıtyn stýdentter, Qytaıda ýaqytsha jumys isteıtin jáne turatyn qazaqstandyq azamattar, sondaı-aq týrıser men issaparda júrgen azamattar daýys beredi dep kútilýde.
Beıjiń, Shanhaı jáne Gonkongtaǵy referendým ýchaskeleri jergilikti ýaqyt boıynsha saǵat 7:00-de ashylyp, 20:00-de jabylady.